Политика за приватност

Вовед

Оваа политика за приватност ги уредува основните принципи при обработката на личните податоци на посетителите и корисниците на kompa.mk, во согласност со Законот за заштита на лични податоци и принципите на GDPR.

Kompa.mk е технолошка платформа за споредба на осигурување. Осигурителните услуги достапни преку платформата ги врши Оне Брокер АД Скопје, лиценциран осигурителен брокер, Лиценца бр. УП 19-1-258.

Кој ги обработува вашите податоци

Во зависност од целта, вашите лични податоци ги обработуваат два субјекта со различни улоги:

Компа Дигитал ДОО Скопје — во улога на Обработувач на лични податоци
ул. Булевар Партизански Одреди бр. 72А-107, Скопје | ЕМБС: 7665466
Компа ги обработува техничките податоци исклучиво за функционирање на платформата, по налог на Оне Брокер.

Оне Брокер АД Скопје — во улога на Контролор на лични податоци за осигурителните активности
ул. Франклин Рузвелт бр. 35, Скопје | ЕМБС: 7238541
Оне Брокер ги обработува личните податоци потребни за изработка на понуди и издавање на полиси.

Дефиниции

Личен податок е секоја информација која се однесува на идентификувано или идентификувано физичко лице — преку име и презиме, матичен број, податоци за локација, интернет идентификатор или друго обележје специфично за неговиот идентитет.
Обработка е секоја операција врз личните податоци: собирање, евидентирање, чување, промена, увид, употреба, пренос, бришење или уништување.
Контролор е субјектот кој ги утврдува целите и начинот на обработката — во случај на осигурителни активности преку kompa.mk, тоа е Оне Брокер АД Скопје.
Обработувач е субјектот кој ги обработува податоците по налог на контролорот — во случај на технолошките операции на платформата, тоа е Компа Дигитал ДОО.
Согласност е слободно дадена, конкретна, информирана и недвосмислена изјава за прифаќање на обработката.

Кои податоци ги собираме

При користење на kompa.mk и поднесување барање за осигурување, се собираат:

Име и презиме
Адреса на живеење
ЕМБГ
Е-мејл адреса
Мобилен број
Параметри на ризик специфични за видот на осигурување (возило, имот, занимање и слично)

Ги собираме само оние податоци кои се неопходни за испорака на услугата.

Цел и основа на обработката

Вашите лични податоци се обработуваат за следните цели:

Технолошко функционирање на платформата — Компа Дигитал ДОО ги обработува податоците за генерирање и приказ на понуди преку платформата kompa.mk. Правна основа: ваша согласност и легитимен интерес за испорака на бараната услуга.
Изработка на понуди и издавање на полиси — Оне Брокер АД Скопје ги обработува вашите лични податоци за изработка на индивидуализирана понуда и, по ваш избор, за издавање на полиса за осигурување. Правна основа: ваша согласност и извршување на договор.
Комуникација — испраќање потврди, линкови за плаќање и информации поврзани со вашата нарачка. Правна основа: извршување на договор.
Маркетинг — периодично испраќање информации за услугите на kompa.mk и Оне Брокер, доколку сте дале согласност. Можете да се одјавите во секое време на alo@kompa.mk.

Вашите лични податоци нема да бидат употребени за цели различни од горенаведените.

Начела на обработка

Личните податоци се обработуваат:

законито, правично и транспарентно
само за конкретни и легитимни цели
во минимален обем неопходен за целта
точно и ажурирано
не подолго од потребното
со соодветни мерки за безбедност

Со кого ги споделуваме вашите податоци

Вашите лични податоци се споделуваат со осигурителните компании исклучиво за целите на изработка и издавање на полисата. Осигурителните компании се обврзани да ги чуваат и да не ги обработуваат за цели различни од оние за кои им се споделени.
Компа ги споделува технички аналитички податоци со Google и Facebook исклучиво за подобрување на корисничкото искуство и прикажување релевантни содржини, доколку сте дале согласност за маркетинг колачиња.
Вашите лични податоци нема да бидат продадени ниту споделени со трети лица за нивни сопствени маркетинг цели.

Ваши права

Имате право да:

пристапите до своите лични податоци и да добиете информации за нивната обработка
ги исправите неточните или нецелосните податоци
ги избришете вашите податоци (право да бидете заборавени), кога тоа е применливо
ја ограничите обработката во одредени случаи
поднесете приговор против обработката

За остварување на вашите права, обратете се на:
darjan@kompa.mk или преку обрасците достапни на kompa.mk.

Безбедност на податоците

Компа и Оне Брокер применуваат соодветни технички и организациски мерки за заштита на вашите лични податоци од неовластен пристап, губење или злоупотреба.
Во случај на инцидент со безбедноста на личните податоци, Компа е должна да постапи во согласност со Законот за заштита на лични податоци и да ја извести Агенцијата за заштита на лични податоци во пропишаниот рок.

Овластено лице за заштита на лични податоци

Овластено лице за заштита на лични податоци е Дарјан Раденковиќ.
Контакт: darjan@kompa.mk

Колачиња (cookies)

Колаче е информација која веб-серверот ја испраќа до вашиот пребарувач и која се враќа при секоја следна посета. Kompa.mk ги користи колачињата за подобро корисничко искуство, аналитика и маркетинг.
При првото отворање на kompa.mk, можете да изберете кои колачиња ги прифаќате. Неопходните колачиња се секогаш активни — без нив платформата не функционира правилно.

Неопходни колачиња- неопходните колачиња се потребни за да се овозможат основните функционалности на нашата страница, како што се обезбедување безбедно најавување или прилагодување на вашите поставки за согласност. Овие колачиња не складираат никакви лични податоци за идентификација.

Нашата веб страница ги користи следните неопходни колачиња:

Колаче	Траење	Опис
Cookieyes-consent	1 година	CookieYes sets this cookie to remember users’ consent preferences so that their preferences are respected on subsequent visits to this site. It does not collect or store any personal information about the site visitors.
Elementor	Never	The website’s WordPress theme uses this cookie. It allows the website owner to implement or change the website’s content in real-time.
wpEmojiSettingsSupports	Session	WordPress sets this cookie when a user interacts with emojis on a WordPress site. It helps determine if the user’s browser can display emojis properly.

Аналитички колачиња- Аналитичките колачиња се користат за да се разбере како посетителите комуницираат со веб-страницата. Овие колачиња помагаат да се обезбедат информации за метрика како што се бројот на посетители, стапката на отскокнување, изворот на сообраќај итн.

Нашата веб страница ги користи следните аналитички колачиња:

Колаче	Траење	Опис
_ga	1 година 1 месец и 4 дена	Google Analytics sets this cookie to calculate visitor, session and campaign data and track site usage for the site’s analytics report. The cookie stores information anonymously and assigns a randomly generated number to recognize unique visitors.
_ga_*	1 година 1 месец и 4 дена	Google Analytics sets this cookie to store and count page views.

Маркетинг колачиња- Колачињата за рекламирање се користат за да им се обезбедат на посетителите приспособени реклами врз основа на страниците што сте ги посетиле претходно и да се анализира ефективноста на рекламните кампањи. Компа вашите информации добиени од колачињата ги споделува единствено со Facebook и Google со цел приспособени реклами врз основа на страниците што сте ги посетиле претходно.

Нашата веб страница ги користи следните маркетинг колачиња:

Колаче	Траење	Опис
_fbp	3 месеци	Facebook sets this cookie to display advertisements when either on Facebook or on a digital platform powered by Facebook advertising after visiting the website.

Дали можете да ги отстраните поставените колачиња на вашиот веб-пребарувач?

Преку поставките (Settings) во вашиот веб-пребарувач (Microsoft Edge, Mozilla Firefox, Google Chrome, Opera, Safari) соодветно можете да ги видите сите колачиња кои се складирани од различни сајтови и сите или дел од нив да ги избришете. Во секој момент преку овие поставки можете да ги оневозможите или избришете поставените колачиња од страна на Компа. Доколку целосно ги исклучите, избришете или не ги прифатете нашите колачиња, одделни фукнционалности би можеле да не функционираат при вашето користење на оваа веб страница.

Промени на политиката

Го задржуваме правото да ја менуваме оваа политика при промена на законската регулатива или начинот на работење. Корисниците ќе бидат известени за секоја значајна промена.

Верзија 2.0 | март 2026 | kompa.mk — во соработка со Оне Брокер АД Скопје